Sisimiut Tusaataat-a internetikkut nittartagartaavanut tikilluarit!

Illoqarfiup radioqarfianiit nutaarsiassat kingulliit saniatigut anguniagaraarput illoqarfitsinni susoqarneranit paasissutissanik ilisimatittassallutit. Assersuutigalugu ”Sisimiuni susoqarpa” alakkarsinnaavat, tassanilu Sisimiuni susoqarnersoq takusinnaavat, imaluunniit tamanut soqutiginaatilimmik pisussanik ilisimasaqaruit ilaariinngitsunillu ilisimatissinnaavatsigut.

Aallakaatitassat allattorsimaffiat aamma takusinnaavat, taamatullu aallakaatitassiortartut assingi takusinnaallugit, paasissutissallumi allarpassuit.

Internetikkut nittartagartaarnerup saniatigut Sisimiut Tusaataat aallakaatitsisarnikkut aamma malunnaatilimmik allannguuteqarpoq, soorlu ilisarnaatit nutaat, aallakaatitassiat nutaat eqquiniaasitsinerillu assigiinngitsut.

Taamatuttaaq tusarnaartartunut paasiniaasimavugut, taakkualu tikkuuppaatigut suut Sisimiut Tusaataat-igut tusarnaassallugit kissaatigineqarnerunersut. Akissutillu aallaavigalugit piviusunngortitsinissatsinnut piareerpugut.

Mannalu iluatsillugu paasiniaanermut peqataasimasunut tamanut qujavugut.

Taamaattumik nittartakkatsinni alakkarteriinnariannguarit, paasillugulu qanoq pissarsiffigisinnaanerlugu.